ಏನ್ ಕೆಲಸ ಮಾಡ್ತಿದೀಯ ಮಗ..? ಅಂತ ಕೇಳ್ಳಿಲ್ಲ ನನ್ನವ್ವ,
ನಿನಗನ್ಸಿದ್ ಏನಾರ ಮಾಡ್ಲ ಮಗ,
ಯಾರಿಗು ತೊಂದರೆ ಕೊಡಬೇಡ ಅಂದ್ಲು..!
ಏಷ್ಟು ದುಡಿತೀಯೊ ಮಗ..? ಅಂತ ಕೇಳ್ಳಿಲ್ಲ ನನ್ನವ್ವ
ಸಂಜೆ ಮನಿಗ್ ಬಂದಾಗ ಕೈ ತುತ್ತು ಹಾಕಿ
ಸುಸ್ತಾಗಿರ್ತೀಯ ಉಂಡು ಮಂಕಳ್ಳ ಮಗ ಅಂದ್ಲು..!
ನಂಗೇನ್ ಮಾಡ್ದೆ ಮಗ..? ಅಂತ ಕೇಳ್ಳಿಲ್ಲ ನನ್ನವ್ವ
ತಾನು ಹೊಂಚಿದ್ ಒಂದುಂಡೆ ಬೆಣ್ಣೆ ಹಾಕಿ
ಉಂಡ್ಕಂಡು ಚೆನ್ನಾಗಿರ್ಲ ಮಗ, ಅಂದ್ಲು..!
ಕುಂತ್ಕಂಡು ಎಳ್ಡ್ ಮಾತಾಡು, ಅಂತ ಕೇಳ್ಳಿಲ್ಲ ನನ್ನವ್ವ
ಸೋತು ಬಂದಾಗ್ಲೆಲ್ಲ ಜೋಗುಳ ಹಾಡಿ
ಯಾವಾಗ್ಲು ನಗ್ತಾ ಇರ್ಲ ಮಗ, ಅಂದ್ಲು..!
ನಂಗೂ ವಯಸ್ಸಾತು, ಇನ್ ಆಗಕ್ಕಿಲ್ಲ ಕಣ್ ಮಗ !
ಅಂತ ಅನ್ಲಿಲ್ಲ ನನ್ನವ್ವ,
ಒಂದು ಮದುವೆ ಆಗ್ಲ ಮಗ, ನಿಂಗೂ ಆಸರೆ ಆಗುತ್ತೆ ಅಂದ್ಲು..!
ನಿನ್ನ ಕಳ್ಕಳಕೆ ನನ್ನ ಕೈಯಲ್ಲಿ ಆಗಕ್ಕಿಲ್ಲ
ನಿನ್ನಂತವಳನ್ನೆ ನಂಗೆ ಕಟ್ತೀಯೇನೆ, ಅವ್ವ? ಅಂದೆ
ಹುಂಕಣ್ ಸುಮ್ಕಿರ್ಲ ಮಗ, ಅಂತವಳನೆ ಕಟ್ತೀನಿ
ಜೊತಿಗೆ ನಾನು ನಿನ್ನ ಮಗಳಾಗಿ ಹುಟ್ಟಿ, ನಿನ್ನ ಹಿಂಗೆ ನೋಡ್ಕಂತೀನಿ, ಅಂದ್ಲು ನನ್ನವ್ವ!!!
6 comments:
dude you write and write and just write let your imagination flow out and may this world get some of it to taste super dude great going...
enjoy...
hariOM.
super..
Dhanu,
Supper aaagi bardidira...
keep it up...
vcp
Tumba chennagide. Short n sweet.
Keep it up.
ಕನ್ನಡಿಗರ ಹೃದಯ ಗೆದ್ದು ಬಿಟ್ರಿ ಸರ್ ನೀವು..!
ಈ ಜಗತ್ತಿನಲ್ಲಿ ನಿಸ್ವಾರ್ಥ ಪ್ರೀತಿ ಅಂದ್ರೆ ಅದು ತಾಯಿ ಪ್ರೀತಿ ಮಾತ್ರ.... ಆ ಪ್ರೀತಿನ ಕಣ್ಣು ಮಂದೆ ತಂದು ಇಟ್ರಿ... ತಾಯಿ ಪ್ರೀತಿ ಮುಂದೆ ಯಾವ್ ಪ್ರೀತಿನು ಸರಿದೂಗಲ್ಲ.... ತಾಯಿ ಋಣ ಮುಟ್ಟಿಸೋಕು ಆಗಲ್ಲ.. 🥺❤️🥰
Post a Comment