ವರುಷಗಳ ಕಾಲ,
ನಮ್ಮಿಬ್ಬರನು ತನ್ನೆದೆ ಮೇಲೆ ಹೊತ್ತು ನಡೆಸಿದ ದಾರಿ
ಇಂದು ನಾನೊಬ್ಬನೇ ಹೋದಾಗ ದೂರ ತಳ್ಳಿದೆ..!
ಆ ಬಿರು ಬಿಸಿಲಿನಲ್ಲೂ, ಆ ದಾರಿ ಒದ್ದೆಯಾಗಿರುವುದ ಕಂಡೆ!
ಆಚೆ ತುದಿಯಲ್ಲಿ ನೀ ನಿಂತಿದ್ದಿರಬೇಕು!
ಆಕೆ ಶವವಾಗಿ ಮಲಗಿದ್ದಳು
ರಾತ್ರಿ ಕಳೆಯುವುದನ್ನೇ ಕಾಯುತ್ತ
ದಿನೇ ದಿನೇ ತನ್ನ ಬೆಲೆ ಕಡಿಮೆಯಾಗುತ್ತಿರುವುದರ ಬಗ್ಗೆ ಚಿಂತಿಸುತ್ತಾ..
ಆತ ಭೋರ್ಗರೆಯುತ್ತಿದ್ದ
ರಾತ್ರಿ ಕಳೆದು ಹೋದೀತೆಂಬ ಆತುರದಲ್ಲಿ
ತನ್ನ ಹಣದ ಸಂಪೂರ್ಣ ಉಪಯೋಗ ಪಡೆಯುವ ಭರದಲ್ಲಿ...
ಅಲ್ಲಿ ರತಿ ಮನ್ಮಥರೆ ಇರಲಿಲ್ಲ..!